3/04/2012 05:57:00 PM
alasnews
Asal
– usul
nami dusun Danakerta
“Ing
jaman rumiyin agama islam saged kasebar ing dusun –dusun amargi
kerja kerasipun para sunan /wali, para sunan punika salah
satunggalipun enten ing dusun Dankerta anggenipun nyebar agama islam
kulina sunan punika dipun sebat Mbah sunan, miturut tiyang sepuh
Mbah sunan punika mboten dangu anggenipun nyebar agami islam nanging
agami islam saged kasebar luas lan panilaranipun kathah sanget.
Hubunganipun
Mbah
sunan kalian nami dusun Danakerta kados niki.”
Ing
satunggaling dinten mbah sunan punika saweg istirahat ing ngandap
wit-witan bambu ing pinggir sawah ingkang sampun kering, ing
panggenan mriku Mbah
sunan ngantos kesarean, nalika wungu Mbah sunan kaget amargi
mrikasani arta lan teteden katah sanget ing sangejengipun, enten
kedadosan punika Mbah sunan teras madosi tiyang ingkang sampun
maringaken arta lan teteden wau, nanging mboten enten tiyang ingkang
sami ngaku ngantos wekdal Luhur mbah sunan dereng kepanggih kalian
tiyangipun pramila Mbah sunan sembayang/sholat krihin ing ngandap
wit-witan bambu wau nanging wekdal punika saweg ketiga mboten enten
toya ing mriku, nalika Mbah sunan saweg madosi toya kangge wudhu
parawarga ing dusun mriku sami guyub mbekto toya kangge wudhu Mbah
sunan punika, teras sembayang bebarengan ing panggenan mriku.
Sesampunipun
sembayang Mbah sunan
ngrenung “ ing dusun mriki warganipun sami guyub lan tresna dateng
kula, seleresipun tiyang ing dusun mriki sami sengsara lan asring
ketampi musibah ”, nalika saweg ngrenung mboten dipunnyana-nyana
sampun mlebet wekdal ‘Asar para warga sami mawon kalian wau
saking nginggil sami mbekto toya kangge wudhu Mbah sunan ing ngandap
nanging, Mbah sunan ngendika “ Hai para warga mboten susah mbekto
toya dateng mriki amargi ing panggenan mriki badhe enten toya katah
sanget ,” kalian ngendika kados niku Mbah sunan punika
nyabet-nyabet sorbanipun ing wit-wit bambu lan siti punika pramila
medal toya katah sanget saking siti punika lan ngendika malih “
awit saniki dusun mriki mboten bakal kekirangan toya lan toya niki
mboten bakal asat uga masyarakat dusun mriki badhe gesang sejahtera
tebih kalian sukerta amargi warga mriki sami tresna uga sregep
anggenipun ngibadah”.
Sesampunipun
enten kedadosan punika , masyarakat ing mriku sejahtera, mboten
kekirangan toya malih lan tebih kalian kalissandikala lan sukerta.
Toya ingkang medal wau saniki dipun kondang SUMUR WALI lan dipun
pitadosi sumur punika mboten enten dasaripun utawi jero sanget,
lan dusun wau saniki dipun namini dusun Danakerta amargi , arta saha
teteden(Dana) ingkang sampun saged mbucal sukerta lan musibah
(kerta), pramila dipun gandeng dados “Danakerta”.
Posted in 
6 Response to "Asal – usul nami dusun Danakerta"
sing nganggo bahasa Indonesia ana apa ora?
Lah kelanjutane mbah wali pimen???
Lah kelanjutane mbah wali pimen???
Lah nami waline Wali sinten sa'jane ?
Niki Pure ilmiah,melalui beberapa narasumner ingkang Kompetent,nopo namung copas ( punten) ownten wikipedia? Amargi kulo tiang Danakerta ( Danakerta) nek Sumur Wali Ownten Danakerta ( Cibungur) suwun.....
Ya ana lah nang wikipedia,Googling seh jajal....
Jebule wia ana sing nunggu nganti Rong taun ya? I'like this...