3/04/2012 07:26:00 PM
alasnews
Babading Desa Talagening
Kecamatan Bobotsari
Ing
jaman tepangipun agami budha mbiyen, wonten ing papan lembah gunung
sidingklik wonten tiyang ingkang nyiaraken agami islam asmanipun
chotibul ali. Ing jaman budha saweg majeng-majengipun chotibul ali
sami tetep nyakini ajaran ingkang dianutipun inggih meniko ajaran
islam. Kasiaripun ngantos menyang dusun-dusun sanesipun, dene
chotibul ahli dados penyebar agami Allah, inggih meniko
agami islam. Kathah tiyang ingkang tumut saking njawi daerah.
Chotibul ali piyambak sebenere sanis tiyang asli saking laladan
lembah sidingklik. Kasunyatanipun tiyang meniko tiyang saking dusun
Sikasur kabupaten Pemalang. Piyambeke sampun dangu ing dusun mriku
kalian anak lan garwane. Kakange,
ki nalaita, mireng adine sampun sukses anggene nyiaraken agami islam
ing lembah sidingklik, lajeng piyambeke nusul ingkang gadeh maksud
kepengin ngrewangi. Kasunyatanipun sawise gutul ing mriku, chotibul
ali saweg ing bahaya ngadepi mungsuh saking tiyang – tiyang budha.
Tiyang – tiyang budha mboten remen wontenipun agami islam mlebet
ing laladan kasebut. Ki nalaita nyuwun pitunjuk marang gusti Allah
supados diparingi pitulungan dene piyambeke kalian adine gadhah
tujuan ingkang mulia sanget, inggih meniko kepengin nyebaraken agami
islam. Ki nalaita semedi ing perek tuk pulanggeni. Ing papan mriku
pancen ngantos saniki taksih dikramatake. Ing wekdal meniko tuk
pulanggeni teksih dados kebon ingkang angel ditembus manungsa ngantos
papan mriku. Sebab ki nalaita mantep sanget kangge mbelani adine lan
kangge mbelani agami suci, kados napa angele piyambeke tetep usaha
semedi ing papan mriku. Wonten wengi kaping kawan dasa wonten sinar
karemenan saking ingkang maha kuasa. Piyambeke angsal wangsit dene
kudu nggabung kalian pendekar putri ingkang saweg madepokaken ing
candi supit urang. Piyambeke pendekar putri ulung inggih meniko dewi
rantan sari. Piyambeke penyiar agami islam. Sebabe sekedap malih
kawontenan mungsuh saking tiyang –tiyang budha saking ngaler.
Saking
dukanipun chotibul ali ngadepi masalah ingkang werna-werna. Teka ki
Nalaita ngutaraken sedaya peristiwa ingkang dipun alami banjur
ngomong “ aja kewatir
chotibul Ali, aku wis olih wangsit sekang gusti Alloh, dene dewek
kudu gabung karo pendekar putri ingkang asmanipun Dewi rantan sari,
ingkang saweg madepokaken ing Candi supit urang”. Chotibul ali
dados sumringah krungu omongan saking kakange. Ing sawijining dinten,
tepat dinten setu pahing katekanan mungsuh saking ngaler. Sadurunge
tekan sampun ketingal benderane. Ki Nalaita kaliyan adine Chotibul
ali, kalih Dewi rantan sari mboten mendel mawon. Piyambeke kabeh di
rewangi sedaya wadiyabalane siap njemput saking candi Pulanggeni.
Kasunyatanipun tepat dinten setu pahing ketekan mungsuh. Padudon
mboten saged di tinggalna lan kathah korban saking kalih pihak.
Sebabe dinten setu pahing di kramataken dening tiyang-tiyang laladan
kasebut. Mboten angsal lelungan ing dinten setu pahing. Amargi menawi
di langar mesti badhe nemahi kacilakan. Kasunyatane mungsuh saged di
kalahake ngantos saniki taksih wonten paninggalane inggih punika
gunung proyek lan gunung sambeng.
Prajurit mungsuh ingkang seda dipun sarekaken ing candi proyek lan
prajurit kita ingkang seda di sarekaken
ing candi gunung sambeng.
Papan punika ngantos saniki taksih dikramataken. Gunung sambeng
pancen papan ingkang medeni sanget, kaliyan wit-witan ingkang
ageng-ageng. Saged dipun wastani papan ingkang angel di ambahi
manungsa. Ing gunung sambeng wonten jaran lanang ingkang saged mabur,
inggih meniko arane jaran sembrani.
Cariyosipun
jaran kasebut saged mabur ngantos ing desa sebelahe inggih meniko
dusun karang klesem. Sebabe ngantos saniki tiyang karang klesem
menawi ngopeni jaran wadon ngantos meteng gadhah anak jaran lanang
bahaya sanget. Anak jaran kasebut saged mabur supados jaran sembrani
ingkang manggon ing gunung sambeng.
Ngantos saniki tlapak sikil
jaran sembrani kasebut teksih wonten bekase ing watu ageng lan anehe
bekas tlapak sikil
jaran kasebut medal banyune. Papan kasebut saben dinten jumat kliwon
ngantos saniki dados papan ziarah para dalang lan penari jaran
kepang.
Semanten
cariyos babadan dusun Talagening saking tembung telaga gending.
Disebataken telaga gending amargi asal mulane
badhe damel telaga ing tlagayasa lan ing mriku dados papan kangge
musyawarah antarane ki nalaita, chotibul ali lan dewi rantan sari.
Posted in 
No Response to "Babading Desa Talagening Kecamatan Bobotsari"