3/04/2012 07:09:00 PM
alasnews
PUTRI
AYU LIMBASARI
Ing
jaman menika wonten sawijining desa ingkang dijeegi desa “NIMBASARI”.
Ing desa Nimbasari wonten sawijinig padepokan ingkang dipimpin
dating Syeh Gandiwasi. Gandiwasi duweni bojo ingkang name Nyi
Gandiwasi. Tresno Menika anggawe putra ingkang name Ktut Wlingi.
Ketut Wlingi nduweni bojo ingkang nami Siti Rumbiyah. Lajeng sajodo
menika diparingi putra ingkang bagus lan putri ingkang ayu, ingkang
diparingi nami Wlingi Kusuma lan Diah Wasiati.
Ing
sawijining dinten para pendiri padepokan Nimbasari ngrembug rencana
pembangunan irigasi kanggo tetanen lan nyukupi banyu bersih kanggo
warga padepokan. Banjur enten pinemu saking Ktut Wlingi yaiku ngajak
kabeh warga sing sehat lanang wadon, tua enom bareng-bareng nyambut
gawe gugur gunung supados enggale rampung. Kacaritos wekdal mbangun
irigasi menika Patrawangsa tiba marang kedung lan paloya lan kanggo
pepemut mbesuk nek ana rejaning jaman panggonan kene di arani
“Patrawisa” lan saluran iki uga diparingi tetember “Kali
Wlingi”.
Sauwise
irigasi dadi padepokan Nimbasari sangsaya maju, akeh para murid sing
padha teka nimba ilmu ana ing Nimbasari. Lajeng sawijining dinten
menika Gandiwasi nyuwun pamit arep bakal nerusake kewajibane nyiarake
agama islam ing tlatah Mataram lan pimpinan padepokan diserahake
marang Ktut Wlingi.
Pirang
taun wis kaliwat, banjur Dyah Wasiati gedhe dadi prawan ingkang ayune
langka sing nandingi. Banjur akeh para bupati sing saperlu nglamar
Dyah Wasiati dadi Garwane para bupati. Bupati menika saking
Pinisihan, Beji, Sawangan, lan Bandingan. Sauwise kui Ktut Wlingi
mikir kepriwe ana 4 bupati anduweni sedya nglamar anake yaiku Dyah
Wasiati. Umpamane nampa salah sijine bupati mesti sing 3 bakal
kuciwa, umpamane ditolak kepriwe. Banjur Wlingi Kusuma nduweni pinemu
yen nentukaken sinten ingkang dados sisihanipun Dyah Wasiati, yaiku
nganggo cara diwontenaken sayembara,sing menang perang tanding saged
dados sisihanipun Dyah Wasiati. Dyah Wasiati satuju anggone pinemu
kangmas Wlingi Kusuma. Para bupati uga satuju, banjur disediaken
panggonan lan aturan supaya ora keleru.
Para
bupati maju siji-siji perang tanding mungsuh Wlingi Kusuma. Nanging
kabeh para bupati kalah. Para bupati mboten ikhlas menawa kekalahane,
banjur nyuwun wektu sawetara kanggo ngimpun kekuatan lan strategi ben
bisa ngalahake Wlingi Kusuma. Patemon menika dientenaken ing desa
Penisihan, lan anduweni kesepakatan kanggo curang, ngroyok Wlingi
Kusuma. Esuk dinten para bupati balik maning marang papan panggonan
kanggo sayembara. Sadurunge Wlingi Kusuma siap tanding, kalima bupati
maju nyerang lan mbinasaaken Wlingi Kusuma, banjur terus dimutilasi.
Saben bupati njupuk tugelan awake Wlingi Kusuma kasebut ing daerah
piambak-piambak. Amargi para bupati-bupati menika wedi yen tugelan
awak menika nyambung lan urip maning.
- Bupati Beji nggawa kemaluan Wlingi Kusuma lan dikubur ing pinggir kali laban, anggon menika diwenehi nami Candi Sikontol
- Bupati Bandingan nggawa sikil Wlingi Kusuma lan ngubur ing daerah Bukit sadurunge desa Bandingan
- Bupati Pinisihan nggawa gembung utawa awak, lan dikubur ing ngisor Bukit Beser, saiki kasebut Palumbungan
- Bupati Sawangan nggawa sirahe Wlingi Kusuma, lan ngubur ing daerah Tlahab Kidul, saiki kasebut Candi Siregol
Kaluarga
Ktut Wlingi saweg tetangis, amargi Wlingi Kusuma dipateni karo cara
mutilasi. Para bupati balik marang padepokan Nimbasari arep njalok
keputusan sapa sing dadi kakunge Dyah Wasiati amargi wong siji ora
bisa dibagi 4. Banjur Dyah Wasiati anduweni pinemu yaiku badhe
anggadhani panyuwunan dhumateng para bupati yaiku kanthi tapa mendem
7 dinten 7 dalu, Dyah Wasiati nyuwun kuburane mangke dipun paringi
bambu kangge napas lan diparingi benang kangge tetenger menawi mangke
benang katarik saking nginggil awrat punika tanda menawi ingkan Dyah
Wasiati dereng pikantuk pituduh saking Gusti Allah,lan menawi benang
katarik kraos enten menika pratela menawi ingkang Dyah Wasiati sampun
pikantuk pituduh utawa wangsit saking Allah lan Dyah Wasiati nyuwun
enggal dipun duduk kubur Dyah Wasiati.
Banjur
Dyah Wasiati badhe milih sinten ingkang dados jodo. Ktut Wlingi lan
Siti Rumbyah satuju lan para bupati uga satuju, banjur para bupati
anggawe luwang kangge semedi Dyah Wasiati. Sauwise luwang dadi,
banjur Dyah Wasiati mlebu ing luwang utawa kubur. Banjur para bupati
lan wong tuane Dyah Wasiati nunggu ing saubenge luwang.
Pitung
dinten sauwise kue, sauwise yakin menawi Dyah Wasiati wis oleh
wangsit, mula kuburane dibukak. Nanging kagete para bupati lang wong
tuane Dyah Wasiati ndeleng kedadean menika, amargi Dyah Wasiati
sampun seda. Para bupati nangis lang nyuwun ngapura marang wong tuane
Dyah Wasiati, banjur Ktut Wlingi ngomong “yen ana wong wadon sing
ayu lan anduweni rambut dhawa lurus uripe ora bakal suwe”.
Posted in 
No Response to "PUTRI AYU LIMBASARI"